Қош келдің, Наурыз» атты іс-шаралар

16 -19 наурыз аралығында «Жұлдыз» балабақшасында музыкалық жетекшілер және тәрбиешілердің ұйымдастыруымен 22 Наурыз күніне арналған мерекелік іс – шаралар өткізілді. Ойын – сауықтар   барысында балалар  әдемі тақпақтарын оқып, ән айтып, би билеп, шулы аспаптармен әдемі әуенді ойнай білді.Тәрбиешілер, музыка жетекшілері балалардың назарын Наурыз мерекесі, ұлттық аспаптар, ою – өрнектер туралы бейнекөрініске  аудара білді.Мерекеге Қыдыр ата келіп, ақ батасын берді. Әжелер балаларға «Бесікке салу»,  «Тұсау кесу», «Баланы қырқынан шығару», «Тоқым қағар» деген рәсімдерін  түсіндіріп,  көрсетіп берді.Алдар Көсе, Тазша бала балалармен «Ханталапай», «Арқан тарту», «Тақия тастамақ», «Құлыншақ», «Тенге алу», «Орамал тастамақ», «Қол күрес»  деген қазақ халқының ұлттық ойындарын ойнап, оларды қызықты тапсырмалармен қуантты. Мерекелік іс – шара балаларға көтеріңкі көңіл – күй сыйлап, ерекше әсер етті.