«Үздік мектепке дейінгі ұйым әдіскері» қалалық байқауындағы Гран-при!

Көкшетау қаласындағы «Жұлдыз» балабақшасында айтулы оқиға орын алды!

«Үздік мектепке дейінгі ұйым әдіскері» қалалық байқауында біздің балабақша жоғары марапатқа — Гран-приге ие болды!

Бұл жеңіс – кәсібиліктің, шығармашылық ізденістің, мақсатқа ұмтылушылықтың және педагогикалық ұжымның бірлескен жұмысының нәтижесі. Байқау барысында жинақталған әдістемелік тәжірибемізді, білім беру үдерісін ұйымдастырудағы инновациялық тәсілдерімізді және мектепке дейінгі тәрбие мен оқытудың сапасын арттыруға деген ұмтылысымызды көрсете білдік.

Әдіскеріміз Абдрахманова Айсулу Маулиевнаға кәсіби жетістіктерінің лайықты бағалануы мен осы жеңісі үшін ерекше құттықтауымызды білдіреміз!

Бұл марапат кәсіби дамудың жаңа кезеңіне жол ашты. Енді біздің балабақша Көкшетау қаласының атынан байқаудың облыстық кезеңіне қатысатын болады.

Осы айтулы жеңіспен бүкіл ұжымымызды шын жүректен құттықтаймыз! Алдағы уақытта толағай табыстар, шығармашылық шабыт, жаңа жетістіктер және облыстық кезеңде лайықты өнер көрсетулеріңізге тілектеспіз!

«Жұлдыз» — жаңа белестерге бірге!