1 – Маусым балаларды қорғау күні

Жаз айының алғашқы күнімен тұспа тұс келетін, 1 – Маусым балаларды қорғау күні мерекесін  №2«Жұлдыз»  бала бақшасыңың бүлдіршіндері мерекені жақсы көңіл – күйде атап өтті. Балаларға арналған әр - түрлі ойын -сауықтар ұйымдастырылды. Мысалы айта кететін болсақ, ойын - сауық  үш аялдама арқылы  жүргізілді. «Музыка аялдамасы», «Шығармашылық аялдамасы», және «Спорттық ойын-сауық аялдамалары». Балалар музыка аялдамасында ән салып, флешмоб  биін билеп жарысты, шығармашылық аялдамасында түрлі – түсті борлармен балалар асфальтта сурет салып шығармашылықтарын көрсетті. Спорттық аялдамада  эстафеталық жарыс, велосипед, самокат, диск лақтыру жарыстары өтті.  Әр аялдамада балаларды көңілді кейіпкерлер қарсы алып отырды, сайқымазақтар, күннің көзі, түлкі т.б. кейіпкерлер балаларға көтеріңкі көңіл күй сыйлады. Мереке соңында бөбектеріміздің  көңіл - күйлері көтеріңкі, қуаныштан,  бақыттан  көздері бал – бұл жайнап тұрды.