"Ұстаның қолы алтын" күні

Шығармашылық апталығы: «Ұстаның қолы алтын» күні

Біздің балабақшада шығармашылық апталығы аясында «Ұстаның қолы алтын» атты мазмұнды, танымдық күн өтті. Бұл күннің негізгі мақсаты – балалардың халық қолөнеріне қызығушылығын ояту, ұлттық дәстүрлермен таныстыру және бірлескен шығармашылық арқылы қабілеттерін дамыту.

Күннің басында тәрбиешілер балалармен бірге ұлттық өрнектер мен қолөнер бұйымдары туралы танымдық әңгіме өткізді. Балалар киіз үйді, кілемдер мен ыдыстарды безендіретін ою-өрнектердің түрлерімен және олардың мағыналарымен танысты.

Бірлескен шығармашылық жұмыс барысында тәрбиеленушілер бояулар, қағаз және түрлі материалдар арқылы өз ою-өрнектерін жасап, кішкентай көрмеде көрсетті. Сонымен қатар, тақырыпқа сай жұмбақтар шешіп, халық әндерін тыңдап, би билеп, ән салды.

Бұл күн нағыз шеберлік пен ұлттық мәдениет мерекесіне айналды. Әр бала өзін шағын шебер ретінде сезініп, ата-бабаларымыздың бай мұрасымен жақын танысты.