«Сыйлықтар алмасу» жаңа жылдық акциясы

Бүгін Аяз ата мен Ақшақар біздің кішкентай тәрбиеленушілеріміздің атынан № 17 мектеп-гимназиясының бірінші сынып оқушыларын Жаңа жылмен құттықтады. Балалар өз қолдарымен сыйлықтарды сиқырлы қорапқа жинап, балабақша тәрбиеленушілерінің атынан арнайы жазбалар қалдырды. Құттықтау ретінде мектеп оқушыларына өз қолдарымен жасалған ашықхаттар мен шағын жаңа жылдық сыйлықтар табысталды.

Өз кезегінде № 17 мектеп-гимназиясының оқушылары да балабақшаға қонаққа келіп, бүлдіршіндерге сыйлықтар тарту етті. Балалардың қуанышында шек болмады: кішкентайлар сыйлықтарға қатты қуанып, өз әсерлерімен бөлісіп, қонақтарға Аяз ата туралы өлеңдер оқыды.

Осылайша «Сыйлықтар алмасу» акциясы жылулыққа, қамқорлыққа және шынайы мейірімге толы көңіл күйде аяқталды. Мұндай кездесулер балалар арасындағы достық қарым-қатынасты нығайтып, бір-біріне жанашыр болуға, қамқорлық көрсетуге тәрбиелейді әрі мерекелік көңіл күй сыйлайды.

Осындай жарқын сәттер балалардың жадында нағыз жаңа жылдық ғажайып болып мәңгі сақталсын!