Балдырғандар шеруі

Балабақшада 7 мамыр — Отан қорғаушылар күніне арналған салтанатты іс-шара өтті. Мереке патриоттық рухта, әскери қызметке құрмет пен Отанға деген мақтаныш сезімінде ұйымдастырылды.

Әр топта жасақтар құрылып, жасақ командирлері рапортты сенімді әрі нақты тапсырды. Балалар саптық дайындыққа белсенді қатысып, бір ырғақпен марш жасап, ұйымшылдық пен тәртіптілік көрсетті. Барлық тәрбиеленушілер мерекеге сай әсем, тақырыптық киімдер киіп, іс-шараның салтанатын арттыра түсті.

Мереке барысында балалар марш ырғағымен ән айтып, түрлі ойын және музыкалық қойылымдарға қатысып, белсенділік пен командалық рух танытты. Іс-шара балалардың бойында патриоттық сезімді қалыптастырып, Отан қорғаушыларға деген құрметті арттыруға және адамгершілік қасиеттерді дамытуға ықпал етті.