Қош бол, балабақша!

Балабақшамызда көптен күткен мектепалды топтарының бітіру ертеңгіліктері жоғары деңгейде өтті. Мерекелік шаралар көтеріңкі көңіл-күйде ұйымдастырылып, балаларға, ата-аналарға және педагогтерге ерекше әсер сыйлады.

Тәрбиеленушілер мерекенің нағыз жүргізушілері болып, өз өнерлерін сенімді түрде көрсетті. Балалар ән айтып, тақпақтар оқып, би билеп, түрлі шығармашылық қабілеттерін паш етті. Сонымен қатар көптеген бүлдіршіндердің оқи алатынын көрсетіп, мектепке дайын екендіктерін дәлелдеді.

Бітіру кеші балабақшадағы бақытты шақтың жарқын қорытындысына айналып, барша қатысушылардың жүрегінде жылы естелік қалдырды. Болашақ мектеп оқушыларына сәттілік, жаңа жетістіктер мен жарқын болашақ тілейміз!