Армысың, алтын күз!

«Ақмола облысы білім басқармасының Көкшетау қаласы бойынша білім бөлімінің  жанындағы Көкшетау қаласының «Жұлдыз» балабақшасы» МКҚК №9 «Арай» санаторлы ересектер тобында 20.10.21ж. «Армысың, алтын күз!» атты ертеңгілік өтті. Өткізген тәрбиешілер: Молдахметова Гүлмайра Таласқызы мен  Ақерке Онгарбай  және музыка жетекшісі: Тюлебаева Ақмарал Хожаназаровна.

Мақсаты: Күз мезгілінің ерекшеліктерін ұғындыру. Мерекелік көңіл – күй орнату. Балаларды ән салуға, би билеуге, түрлі іс - әрекеттерге тарту, бейімділіктерін арттыру. Шығармашылық ой - қиялдарының дамуына ықпал ету.

Залдың іші күз мерекесіне сай безендірілді. Балалар тиіндер болып киініп, бір –бірлеп  әсем әуенмен, залға кіріп, билеп  орындарына тұрды. Ертеңгілік күз мезгіліне арналған өлең шумағымен басталды. Жұмбақтар шешілді. Қонаққа күз ханшайымы, орманшы атай мен саңырауқұлақ атай келді. Балалар қуанып қызығушылық танытты. Балалар «Қолшатыр», «Тиіндер» биін биледі. Тақпақтарын айтты, «Бала, бала, бақшада», «Күз келгенде балалар» және «Күз тамаша!» атты әндерді орындап берді.Сонымен қатар «Жапырақтар жинау», «Саңырауқұлақтар кептіреміз» атты ойындар ойналды. Күз ханшайымы, орманшы атай мен саңырауқұлақ атай да өздерінің сыйын берді. Балалар өте риза болды.