Ертегі станцияларына саяхат

№2 «Жұлдыз» балабақшасында бүгін Халықаралық балаларды қорғау күніне арналған іс шара өткізілді. Қуанышты күн таңғы жаттығудан басталды. Балабақшаның тәрбиешілері балаларды ойын алаңында қарсы алып, оларды мерекемен құттықтады. Балаларды қорғау күні мерекесін тойлау үшін үш станцияға қонаққа баруды жоспарландық.  «Музыкалық», «Спорттық» және «Ертегілер» станцияларында  балаларды әртүрлі кейіпкерлер күтіп, өте жақсы көңіл – күймен қарсы алды. «Музыкалық» станцияда Клоундар әулеті балалармен бірге ән шырқап, флешмоб биін билеп, сонымен бірге қимылды ойындар ойнатылды. Клоундар әулеті балаларға көңілді,  жақсы көңіл – күй сыйлады. Келесі «Спорттық» станцияда балақайларды Буратино күтті. Буратино мен спорт жетекшісі балалармен жаттығу жасап, түрлі эстафета ойындарды ойнатты. Ең соңғы «Ертегілер» станцисында балаларды Ертегі патшасы қарсы алып, балаларға жұмбақ жасырап, түрлі – түсті бормен суреттер салуды жөн көрді. Балалар қызығушылықпен әртүрлі суреттер салып, белсене қатысып, өздерінің сурет салудағы шеберлігін көрсетті. Балаларды қорғау күні мерекесі балалар үшін қызықты болды, көп уақытқа дейін естерінде қалатынына сенеміз. Әлемдегі барлық балаларға зор денсаулық, ашық аспан, бақытты балалық шақты шын жүректен тілейміз.