Ойын-сауық «Сау бол, жаз!»

         Жайдарлы жаз өтті... Жаз айының соңғы күндерінің бірі тамыздың 28-і күні «Жұлдыз» балабақшасының бүлдіршіндері «Жаз мезгілімен» қоштасты. Балаларды үш: «Музыкалық», «Спорттық», «Қоштасу» бекеттерінде көңілді кейіпкерлер («Қырықаяқ», «Бұлт», «Сайқымазақ», «Клепа», «Игрулька»,  «Күннің көзі», «Жаз») күтіп алды. Әр бекетте балалар жаз бойы үйренген әндерін, өлеңдерін, жаз мезгілін қалай қызықты  өткізгендері туралы айтып, жұмбақтардың жауабын шешіп, жаз мезгілі туралы өз білгендерін сурет арқылы бейнеледі. Бүлдіршіндер жаз мезгілінде балабақшада өткізген сауықтыру шаралары, ата-аналарымен өткізген  демалыс күндері  арқасында, бойлары өсіп, денелері шынығып, есейіп қалған. Оны балалар спорттық ойындарда көрсете білді. Осылайша  «Жұлдыз» балабақшасының бүлдіршіндері «Жаз мезгілін» көтеріңкі көңіл-күймен шығарып салды.