Психикалық дамуы тежелген оқушылармен жүргізілетін түзету-дамытушылық жұмыстары

2018 жылдың 16 ақпанында Көкшетау қаласындағы логопед- мұғалімдердің қалалық әдістемелік бірлестігінің жұмыс жоспарына сәйкес Сәкен Жүнісов атындағы №18 орта мектебінде логопед, дефектолог мұғалімдеріне арналған әдістемелік көмек көрсету және мамандардың тәжірибесін жинақтау мақсатында «Психикалық дамуы тежелген оқушылармен  жүргізілетін түзету-дамытушылық жұмыстарының әдістемесі» тақырыбы бойынша семинар өтті. Семинарға қаланың жалпы білім беру мектептерінің және балабақшалардың 27 логопед, дефектолог-мұғалімдері қатысты. Семинардың ашылуы мектеп директоры Б.В. Сәрсембаеваның кіріспе сөзімен басталды. Баян Вахитқызы мектептің білім беру іс-шаралары, оның жетістіктері жайлы толық баяндап берді. Мектепте 9 - КРО сыныбы бар, онда 60 бала оқытылатының айтты. Бастауыш сыныбының мұғалімі  Г.Ш. Канафина 3 –ші сыныпта математика пәнінен  «Ойланып, есепті шығар» тақырыбында түзету – дамытушылық  сабағын өткізді.  Логопед - мұғалімі Л.Г. Акишева «С-Ш дыбыстарының дифференциациясы. Мамандықтар» атты логопедтік сабақ өткізді. №11 ОМЛ логопед - мұғалімі Т.А. Ткаченко «Бастауыш сынып оқушылардың оқу мен жазу тілі бұзылыстарын  жою мақсатында  логопедтік жұмыс жүргізу»  тақырыбында  баяндама оқыды (іс - тәжірибесінен). Дөңгелек үстел барысында семинардың қатысушылары KРO класстарындағы ашық сабақтарды талдап, пікір алмасып, Семинардың ұйымдастырылуына және Сәкен Жүнісов атындағы №18 орта мектеп-лицей мамандарының жұмысына оң баға берді.