Жаңа жыл баршамызға жақсы көңіл күй сыйлайтын мерекелердің бірі. Әсіресе, бүлдіршіндер үшін өте қызықты, әрі көңілді мейрам. Олар өздерінің шыршаларын әдемілеп безендіріп, көптен күткен Аяз ата және Ақшақармен қауышады. Аяз атаға арнап өлең, тақпақ жаттап  одан өздері қалаған сыйлығын күтеді. Міне, біздің бала бақшамызда  осы мерекеге орай қызықты ертеңгіліктер өткізіліп жатыр. Сондай-ақ, №17 орта  гимназия мектебінің 1-сынып оқушылары  ересек топтарының балаларын Жаңа жыл мерекесімен құттықтап келді. Олар өз қолдарымен жасаған ойыншықтарын балаларға сыйлап, қызықты ойындар ойнап көңілдерін көтерді. Бала бақшаның ұжымы аттынан 1-сынып оқушылары мен  ұстаздарына алғысымызды білдіреміз. Балабақша мен мектеп арасындағы тығыз байланыс үзілмей,  әрдайым бірлесе отырып  жұмыс жасауға  тілектеспіз.