«Қош бол, балабақша» атты ертеңгілік

Бөпеңді баулап өсірдің, балабақша бесігім дегендей бүгін біз үш жыл мәпелеп өсірген, тәрбиелеген бүлдіршіңдерімізді балабақшадан шығарып салдық.  «Қонжық» ересек тобында «Қош бол, балабақша» атты ертеңгілік өтті. Ата-аналар балаларының жыр шумақтарын тыңдап, би, әндерін, өнерлерін тамашалады. Мальвина мен Буратино келіп балаларға әртүрлі тапсырмалар орыңдатты, ойындар ойнатылды. Балалар «Оқушы бала» көрінісін көрсетті, ол көріністе күнделікті отбасында болатын іс-әрекеттерді балалар сахналап көрсете алды. Мереке соңында балалар алғаш дипломын алып, сыйлықтар алып өздері бір жасап қалды.                                 

Ойын ойнап, ән салып,

Қызық күндер өтті ғой.

Өмірдің заңы осындай,

Оқушы биыл болдық  қой.

Ойынды енді қысқартып,

Сабаққа көңіл бөлеміз.

Біз «Жұлдыздың» түлегі

Өз күшімізге  сенеміз!