Ардагерлерді ардақтайық!

     Әрқайсымыз үшін жақын әрі қымбат мереке  - Жеңіс күні де келіп жетті. Жеңіске жету жолында қазақстандықтардың асқан ерлігі мен әскери жанқиярлығы Отан соғысы тарихындағы жарқын беттерге айналды. Сондықтан бұл күннің маңызы өте жоғары. Жеңіс үшін шыбын жандарын құран еткен бірнеше миллиондаған адамдардың есімдерін есте сақтап, 1418 азапты күн мен түнді болашақ үшін ерен еңбекпен, қайнар ерлікпен өткізгендерін ұмытуға болмайды. Ендеше бүгінгі жас ұрпақ бойына осы қан төгіс майданда Жеңіске жеткен ардагер аталарымыздың қайсар батырлық ерліктерін паш ету біздің бірден бір міндетіміз болып саналады. Ұлы Отан соғысы тарихы мен Отан қорғаушылар күніне байланыстыра отырып біздің № 2 «Жұлдыз» балабақшасында сәбилер жүрегіне патриоттық тәрбиені рухтау барысында әр түрлі тақырыпта жас ерекшеліктеріне байланысты іс-шаралар өткізілуде. Біздің «Құлыншақ» тобымен «Гүлдер» тобының балаларымен және дене шынықтыру нұсқаушысы бірлесе отырып алғашкы әскери спорттық ойын  сайыс ұйымдастырдық. Балалар өздерінің шапшаң, жылдам ептіліктерімен көзге түсіп берілген әр түрлі қимылды ойындарды қызыға орындады. Сонымен қатар тақырыпқа сай өлең, тақпақтар жаттап айтты. Сондай-ақ басқа да топтардың мерекелік ертеңгіліктерін тамашалады. Бейнефильм арқылы балалар  аталарымыздың осы ұлы Жеңіске қалай жеткендігі туралы көріп, өздеріне Ұлы Жеңіс туралы көп мағлұмат алды.