«Наурыз – думан» атты мереке

    Наурыздың айының 15 күні  біздің №2 «Жұлдыз» балабақшасының  №11 «Аққу» ортаңғы тобында «Наурыз – думан» атты мереке өтті. Мерекеге 22 бала және ата-аналар қатысты.  Бұл ертеңгілікте  балалардың Наурыз туралы  түсініктері қалыптасты. Наурыз – жыл басы, көктемнің алғашқы мерекесі екенін бойларына сіңірді  және ұлттық салт−дәстүрді қабылдай білуге және ұлттық мерекеге құрметпен қарауға үйренді. Балалармен «Көктем», «Балапан»  әндерін айтып, «Көктем» және «Жігіттер» билерін биледі. Мерекемізге Қыдыр баба, әже, Тазша бала қонаққа келді. Қыдыр бабамыз өзінің тілегін  тілеп, батасын берді, ал әжеміз Наурыз көжесімен шашуын әкелді, ал Тазша бала ата-аналармен «Арқан тартыс», ал балалармен «Теңге алу» және «Орамал алу» ұлттық  ойындар ойнатып ата- аналармен балалардың келген қонақтардың көңілдерін көтерді. Сонымен қатар «Тұсау кесер» рәсімін көрсете білдік. «Наурыз – думан» атты дайындаған мерекеміз  ата – аналар мен балалардың көңілдерінен шығып, мәз – мейрам болып ризашылықтарын білдірді.